El Cinturón de Hipólita

Adiectivum ( ad, iacere) pars sermonis est quae ad nomen generaliter refertur.
In lingua latina distinguimus duas classes adiectivorum :

- Adiectiva primae classis. Declinantur cum declinationibus secunda et prima

- Adiectiva secundae classis. Declinantur cum declinatione tertia.

Placet nobis nunc exponere adiectiva primae classis.

In lexicis, quae ad linguam latinam pertinent, adiectiva primae classis deducuntur e formis nominativi singularis masculini, feminini et neutri.

Itaque in enuntiatione adiectivorum primae classis indicantur tres formae.

Bonus, a , um/ longus, a, um/ probus, a, um/ magnus, a, um/ novus, a, um/Antiquus, a, um/ pulcher, pulchra, pulcrum/ paucus, a, um/ formosus, a, um /Foedus, a, um

Ut apparet enuntiatione, ex numero singulari, genera masculinum et neutrum sequuntur declinationem secundam; genus femininum autem primam declinationem imitatur

Adiectivum sequitur idem genus, numerum et casum nominis cui additur. Est masculinum, si nomen est masculinum; si nomen est femininum, femininum est; neutrum est si nomen neutrum.

Exempla.- Bona femina, magnum oppidum. servus probus

Adverte.-

- Adiectivum non semper eodem modo declinatur ac nomen cui refertur.

Bonus nauta, probus poeta, alta arbor

- Adiectiva possunt adhiberi vice nominis, id est, sine eis. Tum sunt pro nomine substantivo, id est, adiectivum loco substantivi accipimus.

Adiectivum nomini relatum:Boni pueri praemia saepe obtinent

Adiectivum acceptum loco substantivi : Boni  praemia saepe obtinent

Declina haec adiectiva in numero singulari et plurali:

paucus, a, um / magnus, a, um / multus, a, um